Қысқаша мәлімет
1988 жылы Облыстық қан құю станциясының базасында жұқтырылған иммун тапшылығы синдромын зерттеу зертханасы ашылды және иммуноферментті анализатормен (ИФТ) қамтамасыз етілді. 1991 жылы Маңғыстау облысы әкімдігінің шешімі бойынша "Жұқтырылған иммун тапшылығы синдромының алдын алу және оған қарсы күрес жөніндегі Маңғыстау облыстық орталығы" мемлекеттік мекемесі құрылды.
Маңғыстау облысының денсаулық сақтау басқармасының «Жұқтырылған қорғаныс тапшылығы вирусы жөніндегі Маңғыстау облыстық орталығы» мемлекеттік мекемесі Маңғыстау облысы әкімдігінің 2012 жылғы 01 қазандағы № 240 қаулысына сәйкес «Жұқтырылған иммун тапшылығы синдромының алдын алу және оған қарсы күрес жөніндегі Маңғыстау областық орталығы» шаруашылық жүргізу құқығындағы мемлекеттік коммуналдық кәсіпорны болып өзгерді.
2023 жылғы 08 тамыздағы №118 қаулысына сәйкес мекеме «Шаруашылық жүргізу құқығындағы мемлекеттік коммуналдық кәсіпорын «Маңғыстау облыстық АИТВ-инфекциясының алдын алу орталығы» болып қайта аталды.
Орталықтың қызметі Қазақстан Республикасының 2020 жылғы 07 шілдедегі №360-VI ҚРЗ «Халық денсаулығы және денсаулық сақтау жүйесі туралы» Кодексіне, Қазақстан Республикасы Денсаулық сақтау министрлігінің нормативтік құқықтық актілеріне, сондай-ақ БҰҰ Бас Ассамблеясының АИТВ-инфекциясымен күрес жөніндегі декларациясына сәйкес жүзеге асырылады.
Орталық жұмысы ҚР ДСМ-нің қолданыстағы бұйрықтарына сәйкес жүргізіледі, соның ішінде:
• №174 (30.10.2020 ж.) – скрининг жүргізу қағидалары
• №204 (25.11.2020 ж.) – ерікті тестілеу
• №211 (27.11.2020 ж.) – міндетті құпия тестілеу
• №107 (15.10.2025 ж.) – АИТВ бойынша медициналық көмекті ұйымдастыру стандарты
Мамандар облыс тұрғындары арасында профилактикалық және эпидемияға қарсы іс-шараларды жүргізеді.
Орталық базасында «Сенім пункті» жұмыс істейді, онда еріктілер мен аутрич-қызметкерлер «тең-теңімен» қағидаты бойынша қызмет атқарады. Сонымен қатар, арнайы жабдықталған жылжымалы сенім пункті (Газель автокөлігі) жұмыс істейді.
Орталықтың қызметінің негізгі мақсаттары:
1. Аймақта АИТВ-инфекциясы бойынша эпидемиологиялық қадағалау жүргізу;
2. АИТВ және ЖИТС бойынша профилактика, диагностика және емдеуіс-шараларын ұйымдастыру және үйлестіру;
3. АИТВ және ЖИТС-қа байланысты ауруларға зертханалық диагностика жүргізу;
4. АИТВ-мен өмір сүретін адамдарды диспансерлік бақылау және медициналық көмек көрсету, сондай-ақ постконтактілік профилактика жүргізу.
