Маңғыстау облыстық ЖИТС орталығының Қазақстан Республикасы Тәуелсіздік куні
мерекесіне орай өткізілген іс-шара
 

14 желтоқсан күні Маңғыстау облыстық ЖИТС орталығында Қазақстан Республикасының тәуелсіздік күніне орай іс-шара өткізілді. Мемлекеттік әнұран орындалды. Маңғыстау облыстық ЖИТС орталығының ұйымдастыру-әдістемелік  бөлімінің меңгерушісі Тайшибаев Б.С. Тәуелсіздіктің қысқаша тарихымен таныстырды. Мереке күніне орай директордың м.а. Бисен А.К. қызметкерлерді халық денсаулығын жақсарту арқылы қосқан үлесі үшін алғыс хатпен, төс белгімен марапаттады

  

  

  



 

Ақтау қаласындағы пенитенциарлық жүйелердің арнайы контингенттер арасындағы плакаттар сайысы.

Дүниежүзілік ЖИТС-ке қарсы күрес күніне арналған науқан шеңберінде Маңғыстау облысында 15.11.18 ж.бастап 15.12.18 ж. дейін "өз мәртебеңді біл" ұранымен "Нұрлы Ақтау" ҮЕҰ бірлесіп Маңғыстау облысының пенитенциарлық мекемелерінің арнайы контингенттері арасында ГМ 172/6, ГМ 172/8, ГМ 172/10 суреттер конкурсы жарияланды.
Байқау арнайы контингенттер арасында АИТВ–инфекциясы мәселесі бойынша білімдерді арттыру және хабардарлықты анықтау үшін өткізілді. АИТВ-инфекциясының таралуының алдын алу мәселесіне арнайы контингенттердің назарын аудару.АИТВ-инфекциясының таралуының алдын алу мәселесіне арнайы контингенттердің назарын аудару. Байқауға қатысушылардың барлығына МО ЖИТС директорының орынбасары Тасболатова Ақнұр Ханаевна., алдын алу бөлімінің меңгерушісі Кемазанова Алмагул Чермкановна., "Нұрлы Ақтау" ҮЕҰ директоры Сагиндикова Нұргүл Төлегенқызы , ҚАЖД бастығы әділет полковнигі Гашимов Теймур Ядуллаевич, бас маман ӘД ҚАЖД МББ дәрігері әділет капитаны Сағымбаева Балзия Құралбайқызы және ҚАЖД бөлімшелерінің мамандары қатысты.
Маңғыстау облысы бойынша ҚАЖД бастығы әділет полковнигі Т. Гашимов Маңғыстау облыстық ЖИТС-тың алдын алу және оған қарсы күрес жөніндегі орталығымен бірлескен жұмыс нәтижесінде Маңғыстау облысы бойынша ҚАЖД бөлімшелерінде соңғы 10 жылда мекемелерде АИТВ-жұқпалары тіркелмеген.Сонымен қатар, ол Маңғыстау облыстық ЖИТС-тың алдын алу және оған қарсы күрес орталығының мамандарына бірлескен еңбегі үшін, сондай-ақ "Нұрлы Ақтау" ҮЕҰ директорына бірлескен жұмысқа қатысқаны үшін алғысын білдірді.
МО ЖИТС директорының орынбасары А. Х. Тасболатова және алдын алу жұмысы бөлімінің меңгерушісі А. Ч. Кемазанова Маңғыстау облысы және облыс бойынша ҚАЖД бөлімшелеріндегі айлық шеңберінде өткізілген іс-шаралар, АИТВ/ЖИТС алдын алу мәселелері, пенитенциарлық жүйедегі, облыстағы және республикадағы АИТВ-жұқпасының эпидемиологиялық жағдайы туралы баяндады.
 Одан әрі конкурстың суреттерін талқылады. Сайысқа 10 сурет қатысты.Оның ішінде 5 сурет ГМ 172/6, 2 сурет ГМ 172/8, 3 сурет ГМ 172/10.Дүниежүзілік ЖИТС-ке қарсы күрес күніне арналған плакаттар байқауының қорытындысы бойынша 1-ші орынды ГМ-172/10 мекемесі, 2-ші орынды ГМ-172/6 мекемесі, 3-ші орынды ГМ-172/8 мекемесі, барлық қатысушыларға Маңғыстау облыстық ЖИТС-тың алдын алу және оған қарсы күрес жөніндегі орталығы.

  

  

Ақтау қаласы  ЖИТС - орталығында емдеу-сауықтыру ұйымдарына
және жекеменшік  медициналық орталықтар үшін облыстық семинар

Маңғыстау облысының  Қоғамдық денсаулық сақтау департаменті және Облыстық қан орталығы мамандарымен бірлесе отырып, облыстық семинар өткізілді.
Семинардың мақсаты: медицина қызметкерлерінің кәсіби зақымдануының алдын алу, гемотрансфузия/трансплантацияның инфекциялық қауіпсіздігін қамтамасыз ету және АИТВ-ға үлгілерді жіберу кезінде медициналық құжаттаманы толық жүргізу. Даярланған мамандар өз әріптестеріне де аналогиялық  семинарларды  өткізеді. Семинарға емдеу-алдын алу ұйымдарының 72 қызметкері қатысты.

  

  

  



 

Маңғыстау облыстық ЖИТС-ның алдын-алу және оған қарсы күрес орталығы мамандары, орталықтың аутирч-қызметкерімен «Нұрлы Ақтау»  қоғамдық бірлестігі, Салауатты өмір салтын қалыптастыру проблемаларының облыстық орталығы мамандарымен  бірлесе отырып  Ш.Есенов атындағы  Университеттің студентері мен қызметкерлері арасында 22 қараша 2018жылы Дүниежүзілік ЖИТС-пен күрес күніне байланысты «Өз мәртебеңді біл» атты ұранмен  АИТВ/ЖИТС-ң жалпы түсініктеме, берілу жолдары,  алдын-алу  шаралары туралы және салауатты  өмір  сүру  салтын  насихаттау бойынша семинар өткізді. 
 

  


 

Құрметті қала тұрғындары мен қонақтары!
 

Маңғыстау облыстық ЖИТС орталығы Дүниежүзілік ЖИТС күніне арналған іс-шараларды өткізуге байланысты, «АИТВ жұқпасының алдын-алу үшін өз пікірін жандандыру үшін!» «Өз мәртебеңді біл!»  конкурсын жариялайды:
Конкурс шарттары:
1. Жазылу немесе Профильді жазылушы болу – «antispid_aktau»
2.Негізгі сұрақтарға жауап бере отырып, АИТВ және ЖИТС тақырыбын толық ашып, өз смартфонына қысқа бейнеайналымды жазу (ұзақтығы бір минут)
– «Сіздің ойыңызша, АИТВ-ның жаңа жағдайларының санын азайту үшін не істеу керек?» және «Әркім өз мәртебесін білу үшін не істеу керек?» (бұл ретте Сіздің бейнематериалдарыңызда дайын сюжеттер мен интернеттен суреттер қолданылмауы тиіс,бұған ерекше назар аударуыңызды сұраймыз!!!!!)

Содан кейін оны хэштегілері бар бетке орналастыру    #узнайсвойстатус#пройдиэкспресстес#жеделтектаптапсыр#өзмәртебеңдібіл#бізбіргежеңеміз және өзіннің 3 достарынды атап өту.

3 .Бейнеайналым астына біздің аккаунт antispid_aktau, сондай-ақ
«Өз мәртебеңді біл»  атты ұранды көрсету                                    
4. Профиль конкурс аяқталғанға дейін ашық болуы тиіс
5.Нәтижесін күтіңіз
Байқау 2018 жылдың 15 қараша мен 15 желтоқсан аралығында өтеді. Үздік бейне авторлары жарияланатын болады 12желтоқсанда жарияланады.
 Жеңімпаздарға сыйлықтар беріледі:                    
1 орын-смарт сағат
2 орын-колонка
3 орын-құлаққап
4 орын – қалта зарядка 
Егер, Сіз  АИТВ  жұқпасының алдын алу маңызды деп ойласаңыз, біздің байқауға қатысыңыз! Барлығыңызға сәттілік!!!

 

Маңғыстау облыстық «ЖИТС» орталығында қоғамда сыбайлас жемқорлыққа қарсы мәдениетті қалыптастыру мақсатында қызмет алушыларға ақпараттық парақшалар таратылып, мекеме қабырғаларына плакаттар орналастырылды.
 

  

  

 

Баспасөз-релизі
Маңғыстау облыстық ЖИТС-ның алдын-алу және оған қарсы күрес орталығы
АИТВ жұқпасынан қорғаныс- хабардар болудан басталады.

        Қазақстан Республикасының Денсаулық сақтау министрлігі денсаулық саласын дамытудың 2016-2019 жылдарға арналған «Денсаулық» мемлекеттік бағдарламасын іске асыру мақсатында Қазақстан Республикасында жыл сайын 15 қараша мен 15 желтоқсан аралығында Дүниежүзілік ЖИТС-пен күрес күніне арналған іс-шаралар өткізіледі. Ағымдағы жылы Дүниежүзілік ЖИТС-пен күрес күніне арналған іс-шаралар: «Өз мәртебеңді біл» ұранымен өткізуледе.
2018 жылдың 15-ші қарашасымен 15-ші желтоқсаны  аралығында  республикада және біздің облыста: «Өз мәртебеңді біл» атты ұранмен кампания жарияланды.
Осы кампанияның  мақсаты – АИТВ/ЖИТС  мәселелері бойынша   алдын  алу  жұмысын  жүргізу,  халықтың  білім  деңгейін  арттыру жолымен,  Маңғыстау  облысында,  жалпы  халық   арасында,  оның   ішінде  жастар мен жасөспірімдер және  осал топтар   арасында   АИТВ – инфекциясының  таралу  қарқынын  азайту  проблемасына  қалың  жұртшылықтың  мүдделілігін  арттыру. Халыққа АИТВ/ЖИТС ауруының алдын-алу үшін эмоциялық мәдениетін, әлеуметтік-құқықтық білімінің деңгейін арттыруды насихаттау, алдын-алу шараларын барынша жандандыру болып  табылады.
Маңғыстау облыстық денсаулық сақтау басқармасымен бекітілген  бұйрыққа, ішкі жоспарларға сәйкес  Облыстық ЖИТС-ның алдын-алу және оған қарсы күрес орталығы қызметкерлерімен және «Нұрлы Ақтау»  қоғамдық бірлестігімен осы іс-шаралар жүзеге асырылуда.  
Қорғаныс министрлігі әскери бөлімдерінде, Ішкі істер органдары саласында және әскери бөлімдерінде, Ішкі істер министрлігі оқу орындарында, пенитенциарлық мекемелерде, адамдардың көп шоғырланған жерлері-орталық базарларда, ірі сауда орталықтарында, халыққа қызмет көрсету орталығы мен вокзалдарда, медициналық мекемелерде, жоғарғы және колледж оқу орындарында, жалпы білім беру оқу орындарында, осал топтар арасында Бүкіләлемдік ЖИТС-ке қарсы күрес науқанына АИТВ/ЖИТС проблемалары және алдын-алу шаралары туралы дәрістер оқылып, ақпараттық білім материалдары (АБМ) таратылуда, сауалнама жүргізу арқылы АИТВ-жұқпасы жөнінде хабардарлығы, білім деңгейлері бағалануда және бекітілген кестеге сай жүргізілуде. Аталған нысандардың барлығында «Өз  мәртебеңді біл» «Тестілеуден өтіңіз» мақсатында АИТВ-инфекциясына жедел-тест ұйымдастырылуда.
Қорытынды: Осы кампания арқылы АИТВ- жұқпасынан  сақтану  мен  қорғану  шараларын,  салауатты  өмір  сүру  салтын  насихаттағымыз  келеді. Өскін  ұрпаққа  АИТВ-жұқпасын жұқтыру  жолын  шектеп,  АИТВ/ЖИТС  таралуының  ғаламдық проблемасын шешу  үшін,  халықтың   АИТВ/ЖИТС  берілу жолдары  мен  оның   алдын  алу  туралы  білім деңгейін   көтеруіміз  керек.
Осы шараға байланысты  ЖИТС орталығында- тегін, жасырын, құпиялы  түрде  АИТВ-инфекциясына талдама жасауға, медициналық, психоәлеуметтік кеңес,  АИТВ/ЖИТС проблемалары  бойынша  барлық  қызықтыратын    сұрақтарыңызға жауап  алуға болады.
 
Сақтансаң –сақтайды деген мәтелді  естен шығармауымыз керек. 
 
ЖИТС-тың  алдын  алу  және  оған  қарсы күрес жөніндегі 
Маңғыстау  облыстық   орталығы.
Ақтау қаласы, 3 шағын аудан, 170 ғимарат.
Орталықтың 50-40-49 сенім телефонына хабарласу арқылы керекті ақпаратты алуыңызға болады.
 

Қазақстан Республикасы Президентінің 2018 жылғы 19 ақпандағы № 637 Жарлығына және Қазақстан Республикасы Премьер – Министрінің 2018 жылғы 13 наурыздағы № 27 өкімімен бекітілген «Қазақ тілі әліпбиін латын графикасына көшіру 2025 жылға дейін кезең – кезеңмен көшіру жөніндегі іс – шаралар жоспарына» сәйкес Маңғыстау ЖИТС орталығының мамандарымен жалпыхалықтық диктант өткізілді. Мамандардың қатысуымен өткен бұл шараның басты мақсаты латын негізді қазақ тілі әліпбиінің «Қазақ тілі емлессінің негізгі ережелері» жобасының практикалық тұрғыда меңгерілуін жан – жақты қамту, оны нақтылай түсіну  болып табылады. ЖИТС орталығының барлық қызметкерлері белсенді қатысты.

  

  

 

Облыстық оқу-әдістемелік және қосымша білім беру орталығы «Есірткісіз болашақ» танымдық шарасы аясында 2018 жылы 08 қарашасысында «Ғасыр індетін сақтайық» тақырыбында сахналық қойылым өтті. Атаулы шараға қазылар алқасына ЖИТС орталығының оқытушы Қоджабергенова Ы.Т. қатысты. Байқауға қатысқан оқушылар Жанаөзен қаласы, Қарақия ауданы, Мұнайлы ауданы, Маңғыстау ауданы, Түпқараған аудандарынан келді. Осы байқаудан 1 орынды Түпқараған ауданы, 2 орынды Жаңаөзен қаласы мен Бейнеу ауданы, 3 орынды Маңғыстау ауданы мен Қарақия ауданы алды. Қамтылғандар саны 114 оқушы, 13 оқытушы.
 

 

2018 жылдың 27 қазанында 15 шағын аудан теңiз жағалауында "Рухани жаңғыру" бағдарламасы аясында "Денсаулық фестивалi" ɵттi. Таңғы жаттығуға спортты жанына серiк еткен 250 астам қала тұрғыны қатысты. Кәсіпқой спортшылар арнайы бағдарламалар дайындап, қатысушылардың барлық дене мүшелеріне арналған кешенді жаттығулар өткізді. Фестиваль аясында медициналық қалашық ұйымдастырылды. Осы шараға біздің ЖИТС орталығының мамандары да қатысты. Қала тұрғындарына тегiн кеңес берiп, медициналық тексерiстен ɵткiздi.

  

  

  

 

16.10-17.10.2018 жылы Маңғыстау облыстық ЖИТС орталығының мамандары: Жиенғалиева Ә.Т.-диспансерлік бөлімнің меңгерушісі, дәрігер эпидемиологтар Жайлиева Г.Н., Тулепова Ж.Б, Ургенчбаева Т.Б., дәрігер лаборант Оразова К.Г. Маңғыстау облыстық емдеу-сауықтыру мекемелерінде АИТВ-инфекциясына медициналық тексерілудің орындалуын қадағалау, ұйымдастыру-әдістемелік көмек көрсету, АИТВ-инфекциясының алдын-алу шаралары бойынша семинарлық сабақ өткізу туралы ЖИТС орталығы мамандарының 2018   жылғы ЕСМ-не шығу кестесі бойынша іс-сапармен Жаңаөзен қаласында орналасқан ЕСМ-не барды. Тексеру қорытындысы бойынша анықтама дайындалып, семинар өткізіліп, медицина қызметкерлеріне сауалнама жүргізілді.

  

  


 

  

  

  

  



 

 

Маңғыстау облыстық ЖИТС орталығында Қазақстан Республикасы Президенті Н.Ә.Назарбаевтың жолдауы талқыланды
 

     2018ж 12 қазан айында Маңғыстау облыстық ЖИТС орталығында Қазақстан Республикасы Президенті Н.Ә.Назарбаевтың 2018 жылғы 05 қазандағы ұйымдастыру-әдістемелік бөлімінің меңгерушісі Тайшибаев Б.С. Презинденттің жолдауын баяндады. Баяндама өте қызықты, мазмұнды өтті.
Жиналыс барысында аса көңіл медициналық қызметкерлерге арналған сөздерге аударылды. Қорытындысында қызметкерлер Ел басының жолдауындағы қойылған мақсаттарын қолдады.

  



 

27-28.10.2018 жылы Маңғыстау облыстық ЖИТС орталығының мамандары: Жиенғалиева Ә.Т.-диспансерлік бөлімнің меңгерушісі, Кемазанова А.Ч.-алдын-алу жұмыстары бөлімінің меңгерушісі, Махамбетқалиева Ж.Ә.-эпидемиологиялық бөлімнің меңгерушісі, дәрігер эпидемиолог Букенбаева М.И., дәрігер лаборант Оразова К.Г. Маңғыстау облыстық емдеу-сауықтыру мекемелерінде АИТВ-инфекциясына медициналық тексерілудің орындалуын қадағалау, ұйымдастыру-әдістемелік көмек көрсету, АИТВ-инфекциясының алдын-алу шаралары бойынша семинарлық сабақ өткізу туралы ЖИТС орталығы мамандарының 2018   жылғы ЕСМ-не шығу кестесі бойынша іс-сапармен Бейнеу ауданында орналасқан ЕСМ-не барды. Тексеру қорытындысы бойынша анықтама дайындалып, семинар өткізіліп, медицина қызметкерлеріне сауалнама жүргізілді. 

  

  


 

07.09.2018 жылы Маңғыстау облысының ЖИТС орталығында Зертхана мамандарының ұйымдастыруымен  «Экспресс тест методикасын» дұрыс қолдану» және оның «Сапасын  түтікшедегі кептірілген сынама арқылы тексеру методикасы» тақырыбы бойынша, тәжірибе-семинар сабағы өткізілді.   Бұл семинарға Облыстың және қаланың перинаталды орталықтарының мамандары ЖИТС орталығының  эпидемиология - профилактика бөлімінің қызметкерлері қатысты.Барлық қатысқан мамандар алдын-ала экспресс тесттің сапасын анықтау бойынша тапсырма алып , оның шешімін «дұрыс» анықтап қорытынды есептерін зертхана мамандарына өткізді.

  

  

 

24.08.2018 жылы Маңғыстау облыстық ЖИТС орталығының мамандары: Жиенғалиева Ә.Т.-диспансерлік бөлімнің меңгерушісі, Кемазанова А.Ч.-алдын-алу жұмыстары бөлімінің меңгерушісі, Махамбетқалиева Ж.Ә.-эпидемиологиялық бөлімнің меңгерушісі, Облыстағы Қылмыстық атқару жүйесі Департаменті медицина қызметкерлерінің қатысуымен бірлескен жиналыс өткізіп, пенитенциарлық жүйедегі  шешілмеген мәселелер қаралды.
 Махамбетқалиева Ж.Ә.-үстіміздегі жылдың 7 айындағы ҚР АИТВ инфекциясының эпидемиологиялық ахуалын, пенитенциарлық жүйедегі жағдайларды  6 айдың қорытындысы бойынша презентациямен көрсетті. Тергеуге, қамауға алынғандардың  АИТВ инфекциясына тексерілуіне тоқталып өтті.
Жиенғалиева Ә.Т.- пенитенциарлық жүйедегі АИТВ инфекциясымен өмір сүріп жатқан адамдардың медициналық көмекпен қамтылуына, мүгедектікті алу алгоритміне тоқталды.
Кемазанова А.Ч.- тергеудегі, қамаудағы адамдардың арасында АИТВ инфекциясы бойынша алдын-алу жұмыстарына, пенитенциарлық жүйедегі мекемелердің аудиолекциялар өткізу үшін радио нүктелерімен қамтылуын және осы мәселелерді шешу мүмкіндіктерін атап өтті.

  


 

 

 
Республикалық ЖИТС орталығы басқармасының шешімдеріне сәйкес ЖИТС орталығында 10 тамыз 2018 жылы директорының орынбасары А.Х.Тасбулатова төрағалық еткен «2018 жылдың 6 айындағы ЖИТС орталықтарының нәтижелері туралы» Маңғыстау облыстық Денсаулық сақтау департаменті Жармаева С.Б., Облыстық наркологиялық диспансердің директоры Қ.М. Қаражанова, ОНД және ДООЗ қатысуымен бірлескен семинар өткізілді.
ЖИТС орталығында талқыланған сұрақтар бойынша эпидемиологиялық жағдай, онда АИТВ індетін жұқтырудың эпидемиологиялық жағдайлары, аймақтағы наркологиялық жағдай, АИТВ-жұқпасы бойынша сауалнаманы қамтудың толықтығы талқыланды. Талқылаудан кейін АИТВ жұқпалы аурулардың алдын алу жөніндегі бірлескен жұмыстарды күшейту, сондай-ақ АИТВ-жұқпасының алдын алу шаралары жөніде шешім қабылданды.
 

  


 

2018 жылдың шілде айында Маңғыстау облыстық ЖИТС - орталығының мамандарымен Ақтау қалалық Ішкі Істер Министрлігінің оқыту орталығында, АИТВ-инфекциясының жұғу жолдары, алдын-алу шаралары, және Маңғыстау облысы бойынша эпидемиологиялық жағдайы жөнінде семинар өткізілді. Сонымен қатар қатысушылар арасында тақырып бойынша сауалнама жүргізілді. Қатысушылар саны - 118. Білім көрсеткіші - 80,2%. Жоспар бойынша Ақтау қаласындағы  18 баня-сауна және 6 қонақ үйлерде АИТВ-жұқпасы жөнінде түсіндірмелі жұмыстары өткізілді. Педагог маманы салауатты өмір салтын сақтау мақсатында  мектеп жасындағы барлық балаларға арнайы лагерлерге бару арқылы түсіндірме жұмыстарын жүргізді. Қамтылған лагерлер: «Жалын, Самал, Куаныш». Балалар саны- 476, тәрбиешілер саны- 14.